| Mai's profile阿历斯林ALPhotosBlogLists |  Tools  Help |
|
June 27 [转图]太强了！星爷电影中竟然有这样一个道具转图，图片自百度贴吧，更原始的出处就不知道了。
这个道具就是……让我们先看两张剧照！
首先是《大内密探零零发》：
 然后是《食神》：
 看出来了吗？没错，就是它：红花黑尾公鸡碗！下面让我们继续欣赏：
《功夫》里包租公的吃早饭的碗：
 同样是《功夫》：
 《龙的传人》里面两师兄弟天台饮老鼠酒：
 《逃学威龙》：
 《赌侠》：
 最后来一张《食神》里面的特写：
 《算死草》：
 不知道其他电影还有没有，我自己记得是还有的，不过我就收集不了了，呵呵！ June 21 [双语]06-07体坛——西甲、欧联、NBA呵呵，每次讲波都是粤语，这次换个Channel先！看看国语表达水平如何。
国语部分：
[西甲]
83分钟，巴斯隆拿（Barcelona）的球门被攻破，场上球员面如死灰——尽管此时场上的比分是1：4，客场作战的巴斯隆拿遥遥领先。
因为与此同时，里耶斯（Reyes）在巴拿贝球场（Bernabeu）取得入球，这同时也是塞维利亚（Seville）人本赛季为皇马射入的第六粒联赛进球，3：1，皇马锁定胜局。
在66分钟受伤下场的碧咸（Beckham）露出他习惯性的杀死人笑容，眼光转向远方，若有所思。
早在巴斯隆拿联赛积分带前、又被皇马一路追得只剩两分优势的时候，古迪（Guti）就说：“我们会追上并夺得头把交椅的，而且，我们一旦在积分榜取得领先，将没有球队能够再次超越我们。”仅仅过了两轮，巴斯隆拿就失分，而皇马，最终兑现了诺言。
做生意讲求诚信，踢足球也是。出来混，迟早要还的。
有巴斯隆拿的球迷认为，是巴斯隆拿自己没把握住机会才把冠军送给皇马的。
有巴斯隆拿的球迷认为，是不公平的积分系统造就了皇马，巴斯隆拿才是真正的皇者。
有巴斯隆拿的球迷认为，是裁判偏向在西班牙乃至整个欧洲影响巨大的皇马，所以皇马才能取胜。
有巴斯隆拿的球迷认为，如果比赛只踢85分钟，皇马早就退出了争冠行列。
有巴斯隆拿的球迷认为……
可是，是不是可以这么说……
巴斯隆拿其实应该是七冠王，不过因为自己没有把握住机会，才慷慨地把七冠分赠七友？
如果不是这样的积分系统，马体会（Athlete Madrid）恐怕不是输6球，而是16球了？
裁判？是不是就像祖云达斯（Juventus）说，我们才是假球的受害者，因为我们降级了！
85分钟？比赛真踢85分钟的话，现在的问题就会变成：如果比赛只踢80分钟……
联赛冠军貌似值钱，但是拿去卖的话貌似也真没多少人愿意出价，因为有能力做这笔买卖的凭自己能力就足以把杯捧回家、没能力接盘的别人把钱放在家门口也得乖乖给送回去。
巴斯隆拿出到300万，但求马洛卡（Malloca）一胜。
事实证明，马洛卡是有骨气的。
东方红，太阳升，中国出了个毛泽东。
毛主席是百年难得一遇的伟人，虽然我没有见过他打仗或者治理国家，不过对他的才能是从来没有怀疑过的。
都说马勒当拿（Maradona）是世界足坛不世出的天才，我倒看过不少他的比赛录像，不过从来就没觉得他有多出色。
更别说不知道是第几个马勒当拿第二的美斯（Messi）了。
如果有人将三步上篮用在足球上、但仍然被人称为所谓复制“上帝之手”，从而号称天才再世的话，我只想说两句话：
一、别侮辱上帝和我，举头三尺有神明、天才有时也很低调；
二、人，怎么能无耻到这种地步？
或者说，云佬（Van Nistelrooy）前几轮也用手来了一次啊？
可是人家是正面承认的。
手淫不是错，大部分正常男性都曾经体验——如果有人明明试过又不肯承认的，难道就是君子了？可能大部分人只会觉得他不正常吧。
小丑只能是小丑，永远上不了大场面，不去跳梁就已经不错了。
[欧联]
“历史拒绝再次重演”、“历史再次重演”，报社、网站的编辑在2007年6月24日肯定准备了主题截然不同的两篇稿件。
没错，还是米兰（AC Milan）、还是利物浦（Liverpool）。
两支球队在各自联赛中都不是很顺，米兰被国际（Inter Milan）双杀、利物浦更是被拉开一截。而恰恰就是这两支未能代表各自联赛最高水平的球队，站在了冠军杯面前。
车路士（Chelsea）不服，奈何相生相克是天地万物至理，不到他们不认命。
曼联（Manchester United）不服，奈何米兰得了天时——天要灭你，你还能说什么呢？
无论历史重演还是揭开崭新一幕，它都是不容假设的。
所以我们一不能假设“如果米兰主场不是暴雨的话……”、二不能假设“如果站在米兰面前的是车路士的话……”。
没有人会否认利物浦的场面比米兰更好、但同样没有人会否认因沙基（Inzaghi）的神奇。
其实利物浦输得并不冤，值得商榷的是，为什么从来就没有米兰球迷外的人对米兰这个冠军杯心服口服呢？
恐怕不是单纯的个人偏见了。
作为中立的球迷，我始终认为，利物浦更值得我去尊敬。
[NBA]
火箭（Houston Rockets）对爵士（Utah Jazz）之前，我看好火箭，结果它三年来第二次在2比0领先下被逆转。
火咀（Detroit Pistons）对骑士（Clevland Cavaliers）的时候，我觉得火咀会横扫，结果它重复了去年离群马（Dallas Mavericks）的足迹。
于是在总决赛开始之前我闭嘴了。
人家比利（Pele）至少是个球王，我凭什么去学习他呢？因此我只敢在暗地里诅咒骑士。
还好，马刺（San Antonio Spurs）没有让我失望，横扫的结果更是大快人心。
打过篮球的人里面，貌似很少有人会把勒邦詹士（Lebron James）选入最佳阵容，至少现在还不会。
03年的新秀里面，无论是伟特（Wade）还是安东尼（Anthony），都比詹士好得太多。
不要提什么个人包办本队两个加时所有得分、不要提什么三个人包夹四个人脱裤子，我也曾试过以六个三分完成球队最后18分、我也曾试过一场比赛11次站上罚球线——当然这都已经是很久之前低级别比赛的事情了。
偶然的着火，不能代表什么。
身体强壮不是詹士应该被人诟病的原因，这是他的本钱；关键时刻不选择自己出手也不是他被人鄙视的理由，场上的球员可能会有更合理机会。
不过，年轻，同样也不能成为他辩护的理由。
有一些东西是天生的，比如智慧。
詹士的天赋是惊人的，无论是麦基迪（Tracy McGrady）、高比（Kobe Bryant）、卡达（Vince Carter），甚至是上帝本人（Michael Jordan），在强壮程度上都比不上他。只不过他不会利用自己的身体——或者，这就叫基本功。
怎么，不服？看看安东尼吧。
与詹士同年加入NBA，第一年，所在的球队配置比詹士所在的骑士弱、所在的西部联盟比骑士所在的东部强、球队战绩（打入季后赛）比詹士所在的骑士好（常规赛打完则去休假）、个人数据比詹士好的安东尼，居然落选最佳新秀。
那么，莫非评委看重的是发展潜质？
第二年、第三年、第四年，确实詹士的数据比安东尼好看、他也终于在06年首次杀入季后赛、甚至在今年打入总决赛。
又如何呢？数据能说明一切吗？伟大球员的定义是，让自己身边的队员变得更好，不仅在数据上，更在球场里。
安东尼稳定的中距离，是詹士能比的吗？安东尼背篮的假动作、发力、脚步、手感，是詹士能比的吗？安东尼稳健的防守脚步、勤奋的顶位，是詹士能比的吗？安东尼处理球的合理性、寻找出手的空间和时机，是詹士能比的吗？
詹士一日不把基本功练上去，一日都无法与安东尼相提并论。另外，安东尼融入球队的能力，更远非詹士所能及。要整支球队迁就一个人，当然那个人的数据会好看，可是球队呢？我没看过佐敦80年代中期的录像，不知道他会不会让一支球队来迁就他，但是当今NBA第一人高比，也不会妄想让整个球队替他服务！
还是说基本功吧，基本功练好了，别人防守的时候就不会先后退三步放投篮；基本功练好了，别人防守的时候就不会放心放背篮攻；基本功练好了，急停跳射的时候就不会把八成力都放在寻找平衡上；基本功练好了，就不会再出现五步上篮绝杀的经典、更甚少出现罚球air ball的搞笑了；基本功练好了，就……
先练好再说吧。皇帝？美国历史上好像没出过，太监我就不知道有没有了。
粤语部分：
[足球]
今年开波前我估嘅曼联英超、皇马西甲、车仔欧联虽然就斋中两个，都算係咁话噶啦！
英超方面，曼联已经行上一条良性轨道，不过实话讲，唔可以算係一个皇朝的预示，未来几年里面，相信佢哋面临嘅压力唔会细：越嚟越有味道嘅利物浦、越嚟越低调嘅车仔、慢慢发育嘅阿仙奴，同埋一直都唔争气嘅热刺等等，都不会轻易让曼联称霸——事实上，目前的曼联，离“称霸”还有相当一段距离。睇个势可能要卖轩斯（Heinz），可能因为佢一直揾唔番个态啦——如果係咁就真係可惜了，我个人一直认为佢係卡罗斯（Carlos）之后最劲嘅左闸之一。如果费sir真係要出轩斯，希望皇马接盘啦！
中意车仔嘅球迷相信唔会有好多，我就保持中立。不过其实明年车仔会好恐怖，两个世界级嘅球员波力克（Ballack）同舒夫真高（Shevchenko）经过一个赛季嘅磨合，应该都足够润滑、可以dup油噶啦。车仔依家行紧稳健成长路线，唔再好似早几年得闲无事揾屎屙咁去买人，而事实上佢队波已经成型：三条线上嘅核心泰利（Terry）、我亲戚（Lampard）、杜奥巴（Drogba）正值当打之年，祖高尔（Joe Cole）、胡礼菲腊斯（Wright-Philips）仲有上升空间，艾先（Essien）、米奇（Mikel）、迪亚拉（Diarra）、卡卢（Kalou）既係未来储备、又可现场攞嚟用，未提及嘅仲包括半个龟头嘅施治（Cezh）、脑有反骨嘅艾殊利高尔（Ashley Cole）、头发冇乜嘅洛宾（Robben）等等等等。稳定係车仔呢几年取得一定成就嘅关键，喺一个相对唔够成功嘅赛季里面，相信佢哋已经吸取唔少教训，因此下赛季卷土重来的车仔，会係一股恐怖的力量。同其他英超大佬一样，教头摩连奴（Moriniho）先係呢队波嘅灵魂，咁佢教成点就见仁见智，但无可否认佢的确比费sir同教授都要靓仔少少……
阿仙奴（Arsenal）冇乜好讲，波子喺度就唔使我废话。不过法比加斯（Cesc）目前还处于被高估的状态中，迟早整获金嘅你叹下……只要教授唔走，阿仙奴迟早会翻嚟，目前且不论亨利（Henry）走唔走，拿拿临折埋件食嘢唔做嘢、入波之余梗败下兴嘅云佩斯（Van Persie）先係正路！
利物浦方面，随着路易加西亚（Luis Garcia）不断受伤、艾朗素（Alonso）主力位置受到威胁，呢队波嘅创造力就越嚟越唔得。一队冇乜创造力嘅波，更适宜打杯赛、而唔係联赛。其实斯素高（Sissoko）几好波下，有得发展，放咗佢就晒d啦——我就觉得佢几适合皇马，问题皇马就好少睇得上呢类型嘅选手，所以睇个势如果利物浦要出，应该就会益巴斯隆拿或者祖云达斯（Juventus）了。据说奔尼迪斯（Benitez）求购拖里士（Torres），我只想讲，呢条友绝对係名过其实、得个x款，买佢，不如落下面买翻摩连迪斯（Morientes）仲实际！况且依家嘅前锋配备都唔差，入翻件潜力股就够，无谓晒钱。
係咁易讲两句就算。关于下赛季预测：我觉得车仔会夺冠——唔好打我，我係中立的。
西甲方面，巴斯隆拿队咁嘅垃圾收皮就不在话下，我都懒得提佢——大胆咁讲句，明年西甲冠军唔一定係皇马，不过都绝对轮唔到巴斯隆拿就係啦。
呢两年值得关注嘅其实係西维尔（Sevilla），呢队波绝对係唔声唔声吓你一惊。但係，都只係呢两年嘅事啦：呢班波明年一定唔会再有呢两年嘅成就！之前俾人忽略，所以就有空间踢得出来，但到下赛季，人人都当你係强队、而且自己心态话唔定会变化，所以我极度唔睇好佢哋——早两年嘅拉科（Deportivo La Coruna）就有版大家睇了。仲有一个最关键嘅因素：西甲係五大联赛里面整体实力最强（我冇话皇马欧洲最强）嘅联赛，西维尔班西人，唔係次次都可以咁容易牛屎嘅。
讲到西甲最强，大家可以睇下联赛。当然联赛积分接近只可以证明佢哋实力相对接近而唔可以证明佢哋比其他联赛强。但一方面，实力接近令到强队要分太多心思落去联赛度。今年欧联四强没有西甲球队，但唔可以就话西甲唔得——大家睇下足协杯嗰边，几支实力一般嘅西甲球队，除西维尔外都唔使点分心联赛、而西维尔明显偏重杯赛，轻易搞掂其他联赛嘅人马。今年皇马都係因为欧联出局得早，所以先可以专心在联赛发力。因此，可能巴斯隆拿、皇马都唔係欧洲最强，但係西班牙联赛就绝对係。
华伦西亚（Valencia）嘅波就好好睇，不过呢几年始终些少令人失望。佢哋两只翼可以踢得比洛宾更快、比C朗（Cristiano Ronaldo）舞得更华丽，不过可惜维先迪（Vicente）太容易受伤、夏昆尼（Joaquin）就快到成日连自己舞q晕埋……点都好，如果呢班波下赛季冇伤冇病、又唔大郁嘅话，我睇好佢哋同皇马争冠。
皇马方面，如果真係讲起身就肯定一匹布咁长，无谓浪费时间，是但讲两句。听讲帕云（Pavon）同美斯亚（Mejia）要离队，个人认为都係损失，不过留人喺度又唔俾人上场就更浪费，所以大家好聚好散啦！麦斯达（Metzelder）已经官方宣布加盟，呢条友如果身体冇问题，绝对係一级嘅后卫，稳健程度比拉莫斯（Ramos）高出三五七班。里耶斯（Reyes）其实风格唔多适合卡比路（Capello）教练嘅风格，虽然今年皇马夺冠佢有莫大嘅功劳，但真係唔知下赛季仲有冇机会见到佢。其实留一个咁特色鲜明嘅替补都好嘅，不过相信佢自己又唔会甘心啫！今年巴迪斯达（Baptista）个态比较差，怪唔得卡比路同教授都唔多likey，不过如果佢有番七八成功力，绝对就应该翻皇马嘅。
里耶斯同巴迪斯达呢两条友嘅故事比较复杂，拍得住断背山，所以都係唔好讲啦。讲下碧咸啦！你话佢扮嘢又好、虚伪又好，反正碧咸係我见过最敬业嘅球员。试问有几多个人可以做到好似佢咁？教练讲到明话唔要你、你收皮啦咁，都仲场场波去到同队友打气；国家队又係，条粉肠麦拿伦（McClaren）摆明妒忌佢靓仔仲踢佢出队替补都冇得佢做添！好在皇马同英格兰又自己唔争气，咁先霖得起碧咸嘅好处。碧咸又交到货嗰度好嘢喔！虽然已经32岁，但我今年睇得波少，都未见到有边个后场嘅长传劲得过佢、45度角斜传毒得过佢。水平唔係值得尊重的充分条件，职业素养先係。碧咸，值得我哋去尊重！
再讲下卡比路。我一直都劲唔中意佢嘅，包括依家都係。不过我认为冇可能去炒一个啱啱带领球队获得失去四年冠军嘅教练啩？呢个简直係一种侮辱！虽然皇马今年战绩其实唔算太理想，比如欧联；虽然皇马今年场面唔算太好睇，比如收尾几轮，不过，我哋冇人可以否认皇马最后踢出咗血性，呢个係球员嘅觉醒！咁，係边个令到班球员咁团结同咁俾心计呢？只可能係卡比路。佢踢走肥仔度（Ronaldo）嘅行为大快人心鼓舞士气、雪藏卡辛奴（Cassano）证明自己唔会夹硬用亲信即使係契仔。就算我哋完全否认卡比路嘅为人、教波嘅水平，都至少唔可以否认係佢，激发咗皇马嘅士气同队员嘅潜能！虽然从人品及教波嘅角度嚟讲，我係希望有另外嘅人入主皇马，不过……我唔支持卡比路，但都唔认为佢应该走。
下赛季：例牌预测皇马夺冠噶啦，唔使讲嘢啊真係！
[其他]
其实下赛季有一支球队好值得大家关注的，拜仁慕尼黑（Bayern Munichen），唔声唔声入咗东尼（Toni）同列比利（Ribery），虽然唔係话乜好豪嘅买卖、甚至俾人嘲笑话咁q多钱去打欧洲足协杯，但咁一嚟，拜仁嘅阵容已经好恐怖。务实嘅德国人经过一年嘅磨合，08-09赛季肯定打翻入欧联，嗰时其他所有球队就应该求神拜佛唔好撞到佢哋啦！
其实德甲今年几好睇。我有一晚翻到酒店，无无聊聊睇斯特加（Stuttgart）同波琴（Bochum）嘅比赛，哇，唔係讲笑，快到冇人信！场面精彩、节奏超快、球员个人技术同小范围配合都简直一流，拍得住以前嘅荷兰波。
都有支球队要提下，里昂（Lyon）。我发觉我今年赛季开始后就好q邪，基本上开到声睇好边个边个就衰，包括其他运动。欧联睇好里昂，结果衰咗；火箭（Houston Rockets）被淘汰之后睇好云根迪教练（Van Gundy）留任，点知第日就俾人炒咗……里昂係一队好波，但如果再係咁卖人落去，真係前途未卜啊。下赛季欧联我唔睇好佢哋了。
好似冇讲意甲啊嗬？专登的我。
米兰欧联夺冠，令中央台同其他意甲球迷扬眉吐气、欢呼雀跃。我个人就对米兰冇乜感觉，不过呢度d媒体一日到黑狂炒米兰，又话舒夫真高又话依度奥（Eto'o），最尾就斋签件依巴拉辛巴亚（Ba）。乜都讲米兰实验室米兰实验室，整生化人咩！迟早俾人一获炒起就有份。小喇叭，本来都唔憎佢哋嘅，俾d媒体搞到烦实晒，米兰仆街啦！
米兰之外，其他球队就更仆街，提都唔好提啦，除咗祖云达斯。
祖云达斯，你班仆街陷家产，自己大屎忽、生仔冇屎忽、正屎忽鬼，攞完甲组联赛冠军攞乙组冠军，仲要让人哋十几分先，放眼全球都未见过有咁嘅奇迹！
（唔好意思，祖云达斯係我全球最憎嘅球队，所以冲动咗……）
[NBA]
哇顶你个肺，睇住骑士俾人係咁收皮，心凉到我啊……
勒邦詹士就明显係唔得嘅，肥仔米催肥嘅结果。就咪话我睇死佢，如果佢依家唔去乖乖练波，凭佢咁嘅打法，就算三分球去到40％，佢呢世都唔方会攞到个总冠军，除非走去揽其他人大髀！
火箭方面，艾度文教练（Adelman）係个唔错嘅人选，睇下佢可以俾大家几多空间啦。
依家高比日日吵住要走，不过我始终觉得佢唔一定走得成。睇下啦，如果真係走咗去东部，教下詹士打波都好嘅。
其实NBA就应该比足球更加多话题的，不过冇乜feel讲，算啦，係咁，差唔多开季再吹过！ June 02 讲波帖——6月2日更新 呢篇嘢原来已经摆咗喺度几个月了……闲话不讲，直接入正题——为照顾波子爱人感受，先讲四号位球员。
Larry Bird，Charles Barkley，Karl Malone，Tim Duncan，Kevin Garnett。
NBA自86年开创全明星三分赛以来，前三届嘅冠军得主係同一个人——“小鸟”布特。六尺九寸嘅身高，并不出色的身体素质，却带领自己球队与魔术师领衔嘅湖人统治了NBA十年。如果话呢个世界在篮球场上仲有一个人比米高佐敦更加似大佬嘅话（场上，更衣室里面另当别论），呢个人只能係布特。除了招牌般的三分投射之外，布特最神奇嘅地方係佢的“恰时性无所不能”，即係话，呢条友无厘头实就会爆Pow！可唔可以想象佢飞身去封占士禾菲（James Worthy）嘅快攻入樽？再想象下佢喺魔术手面前玩无影传球？仲有喺渣巴（Abdul Jabal）头上in your face，等等等等。各个年代NBA都会有统治性人物，八零年代有两个，魔术手同布特。
人称“爵士”嘅巴克利，係NBA史上数一数二的牛精型前锋。睇佢打波就真係唔q使讲嘢，一旧死肥佬，瞪大只眼，带住个波成件坦克咁冲埋嚟，哇顶你，唔闪嗰个都傻啊！佐敦（Michael Jordan）年代有唔少悲情人物，其中巴克利应该算係第一个。与佐敦同年选秀，一个第三一个第五，又咁啱都被东岸球队选中，其实巴克利本应该有比佐敦更大的辉煌——当年选中佢嘅费城係卫冕冠军，队中有J博士、Moses Malone同埋Maurice Cheeks，係联盟中数一数二的强队。不过太多的例子讲俾我哋听，打波始终唔同讲波、更加唔係打机，唔係话阵容踏马就win硬嘅——写到呢度我即刻霖起三个例子，里面居然两个都同巴克利有关：04年拥有四大癫王嘅湖人、97年有奥拉祖云、德士拿同巴克利嘅火箭，同埋84年嘅卫冕冠军费城自由人……啫我唔係专登话巴克利唔老礼，不过或多或少都有d邪就係啦！肥佬在新秀赛季就打到入东岸决赛，但后来的事实证明，呢个亦都係佢喺东岸嘅最佳成绩了，随着J博士等人波衫嘅挂起，费城慢慢咁就变咗废城。巴克利口臭就唔係呢几年嘅事，当年就已经劲中意狂屌自己队波，球队成绩唔得嘅时候把口更加完全唔收，从管理层到队友，基本上都冇乜边个buy佢。不过讲翻转头，屌人还屌人，上到场上嘅时候佢都会非常敬业。92年的时候，佢同球队终于彻底反面，一嘢劈炮就过档凤凰城太阳，并凭借其出色表现成为NBA历史上第三个转会之后就成为常规赛MVP嘅选手。当年带队波杀到入决赛，点知又係衰俾佐敦，所以话有时命运呢样嘢真係攞命……之后每况愈下，都冇乜好讲。巴克利身高在NBA比较蚀底，但佢却係NBA历史上最矮嘅篮板王，充分证明佢有极强的判断能力。进攻上，无论係low post 背篮攻定係正面强攻、甚至外围投射，巴克利都有一手。而足够的体重，甚至令佢有资本去防守奥尼尔！基本上，好似佢咁高嘅球员，体重一定唔会有佢咁大，连脚步都未必跟得上；比佢高的球员、就算比佢重，脚步更加唔可能跟到。加上佢左右手都可以攻、转身同弹速快，在one on one的情况下，可能只有卡尔马柴有机mark得住——仲一定要用龙爪手、咸猪脚先得。否则即使换邓肯（唔够快）、加纳特（唔够大只）、甘比（嘢嘢俾巴克利in your face都有可能）同埋班华莱士（IQ太低）都係晒气。
卡尔马龙——又称卡尔马柴，废柴个柴，虽然係我当年最憎阵容里的一员，不过我并唔会否认佢嘅厉害。后生嘅时候打法同巴克利有得挥，远射同背篮攻不及巴克利，但爆发力丝毫不逊，而且正面攻击能力，包括中距离、脚步都有过之而无不及。依家好多人对马柴嘅记忆都只剩下佢淫贱的动作、AB位的跳射同罚球时鸠up的粗口，至于佢后生嗰阵野蛮嘅打法，可能大家都已经模糊了。喺呢度大家请原谅我再一次攞佢嚟同巴克利相比……如果讲巴克利係一部坦克，咁马柴就係一只哥斯拉。吨位可能大家差不多、力量可能甚至巴克利稍好，但论大只程度同肌肉线条，就算放到NBA史上、就算同奥尼尔、大卫罗宾逊相比，都绝对係马柴第一。揾个人嚟比喻，最近媒体好中意将车路士（Chelsea）嘅杜奥巴（Drogba）称为魔兽，但如果大家都除咗衫企埋一起，杜奥巴根本就只是一只可怜的小鸡！不过马柴在加入NBA几年之后就已经聪明地改变进攻打法，将身体更加多地留喺防守上面，进攻则用威力丝毫不逊、但场面不及强攻咁威猛的中距离跳射为主。所以大家都係用身体，巴克利用身体进攻更好、马柴用身体防守略胜。马柴嘅阴湿程度係我见过嘅人里面最高的，防守的时候时不时伸脚、沉肩、顶屁股阴你一下；进攻时如果上篮，永远都係手挣同膝头行先；抢篮板时第一件事更加唔係抢位，而係左右批挣，打实死晒隔离左右先算……具体恶迹真係数完两日都仲有六分之七（越数越多）！不过换句话嚟讲，马柴係个好聪明嘅球员，好识锡身，次次都喺人哋对自己造成伤害之前先下手为强打到人一佛升天二佛出世三从四唔得咁……马柴係NBA有史以来总得分第二的球员，仅次于艾杜渣巴，长期以来都保持稳定的水准同一贯嘅咸湿，唯一值得人同情嘅就係，同佢作对的，除咗命运之外，仲有篮球场上嘅神——米高佐敦。试问，一个人即使再坚毅，都点可能打得赢神呢？何况仲要係一个咁大只嘅咸湿佬。
邓肯，以后有冇人可以超过佢我唔敢讲，但我敢大胆咁讲句，佢係NBA截至目前为止最犀利嘅一个大前锋球员。记得唔知乜水喺佢啱啱出道嗰时形容佢嘅基本功：“佢根本就唔似係一个九十年代嘅球员！”在我睇嚟，近呢十年嚟，新一代一线嘅内线球员里面，除咗白兰特（Elton Brand）之外，冇一个人嘅内线基本功可以及得上佢七成！比如话擦板，基本上冇乜其他人会好似佢咁去练擦板——擦板对于要求高强度对抗的内线球员嚟讲係一种好有效嘅手法，在身体失去平衡或受到干扰时，擦板射波借嘅优点，一嚟借嘅目标大，二嚟球员嘅手腕手指受到干扰时一定唔会好似平时咁柔，擦板可以调一调力；三嚟在唔入嘅时候更容易判断波嘅落点以去抢进攻篮板。虽然优点比较多，但擦板实在係一门太难练嘅技术了，需要持之以恒、日复一日地去揾感觉，邓肯做到了。净係有基本功当然唔够，邓肯之所以成为一代巨星，佢嘅篮球意识、篮球智慧同威慑力，係一般人很难企及的。邓肯极少话一场波攞三四十分、二十几个篮板、七八个封波，呢个从佢嘅数据可以睇得出来，得分最高的赛季也不过25分左右，近三年更加呈现下降趋势。其实佢如果想要去攞高分，相信至少有四五个赛季可以轻松突破或起码接近30，但佢宁可去兼顾篮板同防守——从数据嚟睇，呢点加纳特同佢好似、甚至加纳特好过佢。不过加纳特永远都及唔上邓肯嘅，係邓肯嘅全局意识同埋领导气质——等阵先讲，讲番邓肯嘅得分先！讲到得分，如果选NBA当今发癫时最恐怖嘅球员，好多人会霖到高比、麦基迪、阿连拿斯、艾化臣、奴域斯基甚至勒邦占士等等，不过好少人会霖到邓肯，但如果俾我选，我首选就係邓肯——唔好嘢嘢都讲81分，我讲嘅发癫，係两队波对住嘅时候！远嘅可以睇睇新世纪湖人第一个冠军嗰年对住马刺嘅时候，邓肯发癫时嘅得分能力，基本等于当时的奥尼尔加高比！而且佢得分手段实在太多了：fade away攞板、底线转身借身位lay up、AB位小天钩、面对面铲篮过……嗰年湖人最惊险係对住沙城帝王，但完全搞唔掂嘅只有邓肯一个人，无论係一个mark、double team甚至triple team！近嘅睇睇今年马刺对太阳同爵士，呢两队都係茅王，乜招数都用齐，但邓肯基本上唔受干扰，得分时非常轻松。另外，邓肯係一个可以提高全队波嘅人，呢点先係佢成为一个天皇巨星的根本——加纳特就相对唔得了。呢几年佢得分同数据都下降，但马刺队波越打越好，带动埋东尼帕嘉之类嘅人。邓肯已经知道乜嘢时候先需要佢出手，在不必要的时候，等班细嘅做嘢就够。有时佢喺场上，成队波嘅感觉马上就係定晒落嚟，呢d就係领袖气质。
最后一个出场嘅係加纳特。呢个亦都係一个悲情人物，入NBA之后连续8年打入季后赛，但只有04年打过第一轮（打到去分区决赛），之后就连季后赛都未曾再次入过。佢嘅技术无论从观赏性抑或实用性嚟讲都係一流，比起邓肯，佢射程更远、爆发力更强、除内线外的技术更是全面太多——关于佢嘅技术方面我就唔多讲了，太多佢嘅fans，个个都pro过我，可以考虑留俾波子嚟发挥。不过我认为，佢呢一世都冇可能超过邓肯的了。虽然一直被称为狼王，但佢缺少嘅，偏偏就係领袖气质（04年嗰获，问心，真係多得屎髀威同卡素尔咋）！我知咁样讲可能会得罪好多人，波子啦、李姓公务员啦、等等，不过得罪都係咁话了……佢嘅好数据，带动唔到队友都攞好数据，永远都做唔到一加一大于二。远嘅睇下古里奥达（Tom Gugliotta），近嘅有列基戴维斯（Ricky Davis）。有d嘢好难从数据去衡量，只是一个抽象的概念。我认为，加纳特一定需要有一个人带，嗰个人唔一定要劲过佢，比如04年嘅卡素尔，但一定要有指挥权，咁样佢嘅压力先会细、咁佢恐怖嘅数据就可以同好成绩联系在一起。问题佢一直想做大佬，做大佬唔係问题，但係佢心理素质有问题，队波唔掂嘅时候佢唔係指挥大家出来，而係一个人同对方对hum——事实证明，靠佢係hum唔赢的，靠一个人就hum赢一队波的，历史上只有张伯伦一个。所以我讲佢带动唔到队波。其实只要佢换一个环境，有一个同佢相当的球星可以令佢唔使做大佬嘅，我敢担保佢仲会有进步。可以考虑嘅有高比、皮雅斯、伟特等等。我唔係专登去踩佢，不过呢d嘢係气质嘅问题，改变唔到的——当然同样都改变唔到人们对佢嘅喜爱、同埋佢始终係一个不可多得嘅超级球星。
近24年仲有资格上榜嘅，远嘅有Kevin McHale 麦希尔、Larry Johnson 庄逊，呢d大家都可能有点模糊了。又或者可能会有人提Amare Stoudemire 史杜达米亚、Dirk Nowizki 奴域斯基、Elton Brand 白兰特？史杜达米亚的话，佢依家嘅水平仲未及得上当年嘅雨城天皇甘普（Shawn Kemp），而甘普未见得能劲过巴克利或者马柴；奴域斯基唔错，绝对水平有可能劲过布特添，不过还需要进一步证明自己；白兰特嘅话係一个同卡尔马柴极度相似嘅球员，勤奋、扎实，不过因为佢打波光明正大太多，所以永远都唔可能及得上马柴了。仲有一个不得不提的球员：Dennis Rodman 洛文。佢係一个天分同篮球智商都极高的球员，可惜太多搞作了，浪费了佢胜于绝大部分嘅人天分——不过即使係咁，如果要我拣一个4号位球员的话，佢都仍然会係我在邓肯外的第二选择。
到我个人喜好时间了：我心目中实力榜係：邓肯、马柴、布特、巴克利、加纳特；按我中意排就係：邓肯、布特、巴克利、加纳特、马柴。
最后多脚踩一踩某条粉肠：Carlos Boozer 布沙。无他，唔妥佢嘅只有一样嘢：条友去到犹他之后连个样都似x埋马柴，正懵炳，冇前途！（我都比较关心佢同白兰特，两个都可以被成为马柴接班人，咁最终边个会取得更接近马柴嘅成就呢？） |
|
|
